كتب - محرر الاقباط متحدون
ردت السيدة رانيا فوزي، على ادعاءات قريبتها مريم يوسف، بانها الام الحقيقية للطفل شنودة ، واصفة تصريحات يوسف بالكاذبة .
وقالت رانيا خلال مداخلة هاتفية لبرنامج "ما وراء الأحداث" تقديم الإعلامية منى رومان، على قناة الكرمة :" انا عملت مداخلة للبرنامج عشان أكد اني موجودة لان بنت عمتي مريم يوسف بتدعي اني هربانة .
موضحة :" انا موجودة وعايشة حياة طبيعية جدا مع زوجي واولادي و معملتش حاجة غلط.
وقالت رومان موجهة حديثها لها :" بتقولي يا رانيا ان فعلا في فترة ابتعدتي فيها عن البيت واعتنقتي الاسلام وبعد كده رجعتي ، امتى الكلام ده ؟
لترد عليها :" هذا صحيحا ، في عام ٢٠١٧ اندلعت خلافات اسرية وبعد حل هذه المشاكل عدت لمنزلي لاعيش وسط زوجي واولادي وكما تعلمين ليس هناك منزل يخلو من المشاكل .
ووجهت لها رومان سؤالا اخر :" هي بتزعم انك كنتي حامل وان السيدة امال ميخائيل عملت نفسها ان هي اللي حامل عشان تاخد الطفل وانك توجهتي للدير وانتي حامل .
وأكدت رانيا :" مفيش دير اساسا هيقبل بحاجة زي كدة ، مليش علاقة باي حد نهائيا، مريم بتكدب وتقول اني كنت حامل فترة ابتعادي عن زوجي وكلامها كله بدون دليل.
وتابعت :" انا على اتم الاستعداد اني اخضع لتحليل (Dna)، وهيكشف اني لست والدة الطفل شنودة .
