باسم يوسف: استحالة انتخب مرسي وأوعوا تنسوا الإخوان باعوكم ودم الشهدا كام مرة

السبت ٢٦ مايو ٢٠١٢ - ٤٢: ٠٦ م +03:00 EEST

حجم الخط :

كتبت: أماني موسى

أعرب الإعلامي "باسم يوسف" عن دهشته من موقف النخبة بمساندة الإخوان بعد كل ما سبق من تخلي الجماعة عن الثورة والميدان.

وعلق ساخرًا: كام مرة نقول نوصل لبر الأمان وبعدين نتحاسب وبرضة بيببعونا قبل ما نوصل. مفيش غير رهن مقر المقطم ويمضوا على قايمة العفش.

ولكنه أضاف: إن السياسة لعبة مصالح وتوازنات ولا توجد بها صداقات دائمة أو عداوات دائمة. باسم يوسف

وأكد يوسف مش ممكن أنتخب شفيق بس كمان إستحالة انتخب مرسي، وعدد أسبابه تحت قائمة مش ممكن:

* مش ممكن هنتخب شفيق بس مش هنسى تعاليهم وغرورهم واستحواذهم على التأسيسية و احتياجهم للقلة المنحلة اللي زيينا لما يتزنقوا بس.

*مش ممكن انتخب شفيق بس مش هنسى لما سابوا الناس تموت في محمد محمود عشان يجروا على الانتخابات.

*مش ممكن انتخب شفيق بس مش هنسى لما استعملوا الدين لشيطنة أي حد وقف ضدهم وسكتوا كل اللي أتكلم ضد الجيش والداخلية في البرلمان.

مش ممكن انتخب شفيق بس مش هنسى النائب اللي عيط على ابنه وطلع مع يسري يكرر نفس نظريات المؤامرة بتاعة عكاشة.

مش ممكن انتخب شفيق بس مش هنسى مسمى جمعة القطيعة و بانديتا ولما باعوا الألتراس بعد بورسعيد وميليشياتهم اللي وقفت قدام مجلس الشعب.

مش ممكن انتخب شفيق بس مش هنسى صفوت وشقة العجوزة وزحف العمائم و انتخاب مرسي جهاد، ومنال أبو الحسن بتقول عليه مدعوم من الله.

مش ممكن انتخب شفيق بس مش هنسى لما هتفوا للمشير في جمعة الشريعة.

لا يمكن انتخب شفيق لكن مش هنسى لما الإخوان صقفوا لبكري وهو بيشتم في الثوار و البرادعي.

وأختتم ساخرًا: ممكن انتخب مرسي بس يوصي عليا خيرت الشاطر يكرمني في طقم أنتريه ومطبخ من استقبال.

تابعونا على صفحتنا علي الفيسبوك
رابط دائم :

تقييم الموضوع :

الأقباط متحدون