بقلم : مجدي نصيف

لا هو بارد ولا حامى
ومالح زى مى البحر
وشطك رمل ..مش طامى
وموجك فى الهوى عالى
لكين عاصف باحلامى
غريق شطك فى عز الصيف
غريب ردك على كلامى
هو انت فى الغرام سلطان
ولا انت شوقى وهيامى
ماتحس بلوعة المشتاق
ولا غواك حبيب تانى
بيقولوا ان الهوى سلطان
لامجنى فية ولا جانى
ولا قاتل ولا مقتول
ولا مرمى فى احضانى
بقولك اية خلاصة القول
بحبك وانت عنوانى
بحبك وانت زى الريح
بتعصف كل اغصانى
واحبك فى نسيم الليل
واحبك جرح وجدانى