الأقباط متحدون

لأجلو تْصوّر الكوْن

الجمعة ١٧ يناير ٢٠١٤ - ١٤: ٠٦ م +02:00 EET

بقلم زهير دعيم

في وَجعي وفي آلامي

انت مْلوِّن أيامي

بتحملني عَ كْفوف العِزّ

وبتحقّقلي أحلامي

مهما اشتدّت الصِّعاب

وتفرَّق شَمْل الأحباب

بِبْقى الشبّ الجليلي

يفتحلي كلّ الأبواب

سَكَن روحو بكياني

وغيَّر نَهجي وإنساني

أنا اللي كنت عاصي

صار الحُبّ عنواني

غيرو ما برضى محبوب

قلبي بحبّو عمْ بيدوب

كل ما بتذكّر اسمو

بتفوح روايح وطْيوب

لأجلو تْصوّر الكوْن

بأجمل صورة وأحلى لَوْن

نيّال الماشي بدربو

بلقى منو افضل عوْن