كتب – محرر الاقباط متحدون ر.ص
قال الناشط الحقوقي محمد السماك، إن الفنانة الجميلة هنا الزاهد أثناء قيادتها عربيتها بمدينة الشيخ زايد تعرضلها 6 أشخاص في عربيه مجاورة بمضايقات وألفاظ غير مقبولة (تحرش لفظي) لدرجة أنها كانت هتعمل حادثة، ولأن أفضل علاج للمتحرش هو فضحه هي كانت ذكية وعرفت تصورهم ونزلت الفيديو علي الانستجرام وقدمت بيه بلاغ.
وتابع عبر حسابه على "فيسبوك"، وبالفعل وبعد ساعات الأجهزة الأمنية قدرت تحددهم وتم القبض علي المتحرشين وقبل قضية هنا تم القبض علي المتحرشين والمتنمرين في قضية عمرو السوليه ورانيا يوسف وسمية الخشاب وده مش عشان هما حد مشهور أو مهم لأن غيرهم كتير وأخرهم كانت قضية أمل والي الأمن قبض علي متحرشها وساعدها في إثبات نسب ابنها.
ولفت :" التعديلات اللي حصلت بخصوص قضايا التحرش وموجة الوعي إلي حصلت في الفترة اللي عدت لازم تكون دافع لكل واحده إنها متسكتش عن حقها وتبلغ عن أي اعتداء تتعرض له حتي ولو كان مجرد معاكسه كلامية، هنستمر في فضح المتحرشين لأن ده علاجهم.
