بقلم جورج حبيب
قلت يا ريتني طفل صغير
لا كنت فكرت ولا كنت متحير
بحب كل الناس

من كل نوع والاجناس
قلبي صفحة بيضا
لا اتلوث بكره ولا ضغينة
كل شيئ بيرضيني
لا عرفت طمع ولا كمان اديني
بضحك في وش الكل
حتي اللي سبب لي اي ذل

معرفش يعني ايه حسد
واللي معايا كفايا ولو فسد
احب غيري مهما كان عنده
ولو ما عنديش حاجه زيه
يخانقني صاحبي دللوقت
واصالحه قبل ما يعدي الوقت

لا افكر في يوم اعايره
ولا اقول له فاكر اللي عملته
انام الليل كله
لا عرفت ارقه ولا سهده
اقوم من سريري اجري
وارفع ايدي لربي بطلبي

وواثق ان ربنا هايديني
ومصدق انه  مراضيني
بصدق كل اللي حواليا
بحبهم واديهم ولو عنيا
عمري ما عرفت الكبرياء
اعرف اعيش زي البسطاء
ادعي لابويا وامي واخواتي
وشايف فيهم فرحتي وحياتي

ارفع ايديا ومصدق
ها يديني وها هيص
يا ريتني طفل صغير
لا عندي فكر ولا متحير