بقلم:مهندس عزمي إبراهيم
مصــر الحلـوة.. الفرعـونيـة *** قالــوا عليـها.. أمّ الـدنيـــــــا
إسمـها مصـر.. مصــر وبَـسْ
وكل العــــــالم يعشـق مصــر
وعـارف مصــر
إنـْها مصــر... مصــر وبَـسْ
***
نـاس أعطـوها لقَــب عربيــة
ونـاس بينــادوا.. إسـلاميــة
ومصــر عظيـمة
من غيـر دِيّــا ومن غير دِيّــا
***
قالـوا "متحـدة" في خيمـة عربيـة *** وقالـوا عاوزينها "ولايــة" دينيـة
رح اترجمها
يعني مصــر
تبقي "يتيــمة في وِحـــدة" خرافـة
وتبقى "سجينـة في سجـن" خلافـة
في قفـص هــش.. ما يسواش عِـش
كأنهـا "فــــار مدفــون" في قرافـة
***
مصـر الحـُــرة
دولـة عريقــة "أمـَّـــة"أصيـلة *** ما تكون أبـداً "تابعـــة" ذليـلة
مصـر الحـُــرة
مصـر الخَضرة.. مصـرالسَــمرة
تاريخيـاً.... فرعـونيـة
وجغرافيـاً.... أفـريقيـة
لا عربيـة ولا اسياويـة
***
جذورنا فراعنـة.. جدودنا فراعنـة
واحنــا فراعـنـة
لا احنــا بَــــدو، ولا عـربــان *** واحنا مش من بـني قحطــان
ولا عـدنـــان ... ولا كنعــــان
***
هويــة مصـر: فقـط مصريـة *** وعظمة مصـر انـها مصريـة
نظـــام الحكـــم: جمهـوريـــة *** ومش رَح تبقى غير مَدَنيــة
فيـها دستــور وفيـها قانــون *** يصـون أديــان، ومش دينيـة
***
وإحنـــا... !!!؟
إحنـا.. يللي ما تعـرف إحنــا *** إحنـا حَمـادة... وأخـــوه حَنــا
واحنـا فاطمــة أخـت إزيــس *** إحنـا اولاد ميــــنا ورمسيـس
وأمنمحـات وخوفــو وسيـتي *** وحتشبسـوت ونفـرتيـــــــتي
***
إحنـا شـعـب النيــــل جَمَّعـــنا *** واحنـا بنيـنا البيـت بدراعــنا
وكـل ما نسـعَى ربِّنـــــا معنـا *** ولـو نتـآخى، اللــــــه يرفعنـا
ولمّـا نصَـلـِّي بأي لسـان... من الأديــــان
اللــــه "واحــــــد"........... رَح يسمعنـا
***
خلاصة الأمـْـر *** وطنـّــا مصـْـر
مصـر.. وبَسْ
من غير حَشـر.. وحَشـو.. ودَسْ
مش محتـاجة حـرف زيـــادة
يزيــدها سعــادة
***
وكل الفخــر، يا أبنــاء مصـر *** مسيحي ومسلم نعـشق مصر
نصون أديانّـا ونصون مصـر
يا مصريين مصــر... مصـر وبَـس
إحنـا أصــل وفــرع فراعنـَـة
وأيّ إضافـة، مالهاش مَعـنَى
English
