الاربعاء ٣ يوليو ٢٠١٣ -
٣٧:
٠٤ م +03:00 EEST
بقلم: هايدي غبريال
و شوط و شوط و شوط...
انا شايف خالتي شرعية نازلة الماتش الشرعي بالشورت الشرعي.
تمريرة شرعية.
والكرة دلوقت في رجل خالتي شرعية مش راضية تسيبها خالص.
رمية تماس شرعية.
و ركلة مرمي شرعية و جون وجون وجووووووون
وخالتي شرعية بتجيب الجون الشرعي لصالح الفريق المنافس.
الفريق الشرعي متمرد ومش عاوز خالتي شرعية،لكن خالتي شرعية مش راضية تمشي.
ويصفر الحكم بإنتهاء الوقت الشرعي للشوط الشرعي والوقت بدل الضايع.
ايه اللي بيحصل ده خالتي شرعية مش راضية تسيب الكرة وتمشي.
بتقول مش هأمشي غير لما اجيب لكم الوكسة الشرعية لكأس العالم للقارات
وبتهتف شرعية،شرعية،شرعية،،،74 شرعية و صلحه.
وبتقول انا قاعدة شرعي علي قلبكم
و في النهاية لايسعني إلا ان أقول
سمك،لبن،تمر هندي...شرعي ده يا سيادة الكونستبل الشرعي ؟
English
