د.امير فهمي زخاري
جمله دايما بسمعها لما اقول لواحده خسى شويه وهى:
"دايما بحس اني عايز اكل حاجه حلوه 🍩🍫"
أغلبهم اجمعوا انهم دايما مش بيقدروا يسيطروا علي نفسهم في اكل الحلو....
أولا:
طيب اول حاجه محتاجين ناخد بالنا ان اكل السكريات الصناعيه او المعجنات هيدخلك في دايره مغلقه من الجوع و الاكل المستمر فمحتاج تكون واعي وانت بتاكل الاكل ده...
وتسأل نفسك هل انا باكل وانا مش حاسس بالاكل بسبب إني نفسيا متضايق أو زهقان فبالتالي بتلجأ للأكل كهروب من مشكله عندك ؟؟
ثانيا: تاني حاجه
اخبار شرب المياه إيه علي مدار اليوم؟؟
الجسم مش بيقدر يفرق أنت عطشان ولا جعان. فأول ميجيلك الشعور بانك هتاكل جامد كده... اشرب كوبايتين مياه الاول 🥛🥛
ثالثا - لو بتشرب كافيين كتير حاول تقلله لان ده بيزود من احتياجك للسكريات🥃
رابعا - و ده الخلاصه
حاول دايما تشبع رغبتك في اكل الحاجه الحلوه باكل السكريات الطبيعيه ومع الوقت شراهتك للسكر هتقل تماما...
ممكن تشبع رغبتك في السكريات بأكل الخضار النشوي زي البطاطا، القرع، الجزر و الفاكهه بأنواعها🍠🍉
او انك تعمل حاجات حلوه صحيه ..
ابسطهم الشوكلاته لو نفسك فيها...
كاكاو خام+ زيت جوز هند و حليها بالعسل وممن نزود بندق مطحون
😋😋😋 حاجه كده مزاج
و بكده انت اشبعت رغبتك في الاكل و افدت جسمك و مازدتش في الوزن👌
ولو مش عارف تعمل الشوكولاته فى البيت ... اشترى الشوكولاته البنى الخام ... بالهنا والشفا.
تحياتى للجميع.
