CET 00:00:00 - 22/01/2010

الكلام المباح

بقلم: ميرفت عياد
من زمان الحرب بتدق طبولها.. من أيام الفرسان فوق خيولها والإنسان ما شبع من دم أخوه اللي غمر الأرض بعرضها وطولها.. عجبي!
ابكي معايا يا سمك النيل.. التلوث خللى جسمنا عليل.. وحتى شربة المية بعدها.. محتاجين لكلوينا غسيل.. عجبي!

الشجر بيبكي على الجبين نداه.. بيصرخ يمكن حد يسمع صداه.. بيرفض يتنفس هوا فاسد.. من ظلم الإنسان للحياة.. عجبي!
يا بسمه حلوة على الشفايف.. ليه قلبي من الدنيا خايف.. هو الخوف فيه طبع.. وللا علشان لمآسي الدنيا شايف.. عجبـي!

الموت بيخبط على كل باب.. وبياخد من بين ايدينا الأحباب.. مالك يا موت قلب يحن علينا.. لكن إيه يفيد معاك العتاب.. عجبي!

شارك بآرائك وتعليقاتك ومناقشاتك في جروبنا على الفيس بوك أنقر هنا
أعرف مزيد من الأخبار فور حدوثها واشترك معانا في تويتر أنقر هنا
  قيم الموضوع:          
 

تقييم الموضوع: الأصوات المشاركة فى التقييم: ١ صوت عدد التعليقات: ٤ تعليق