أحمد السعدني يهاجم زينة: اللي بيحصل في مسلسل «كله بالحب» مهزلة

 

وكتب عبر حسابه الرسمي على موقع "فيسبوك": "الحقيقة أنا عمري ما عملت مشكلة في شغلي وعمري ما أختلفت مع زمايلي إنما أنا اللي بيحصل معايا في المسلسل اللي شغال فيه 24 ساعة مبروحش بيتنا عشان يلحق العرض، والواحد ساكت وبيعدي بلاوي عشان الزنقة والظروف، أنا متربي في ستوديوهات، كبرنا أنا واللي زيي اللي كان بيتقال عليهم أبناء الفنانين كأنها شتيمةن على احترام مهنتنا مواعيدنا ومذاكرتنا وتحضيرنا للشغل احترامنا للكلمة قبل العقد".

 

وأضاف: "للأسف شركة الإنتاج ملتزمتش معايا باتفاقهم اللي على أساسه وافقت اشتغل وكان شرط أساسي لقبولي الشغل معاهم والحقيقه أول مرة أشوف تصميم دعاية عمل فني من أفيشات وبرومو بتعمله زميلة في العمل، طول عمري كنت فاكرها من اختصاص شركة الإنتاج".

 

وأكمل: "الحقيقه أنا ضهري في الحيط، أكمل وأقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب، وألا أقعد في بيتنا واكتفي باللي صورته وأطلب من النقابة تجيبلي حقوقي المادية وفي كل الأحوال أنا بعتذر لأي شخص بيحبني عن تواجدي في هذا العمل لأن الحقيقة اللي بيحصل ده مهزلة".

 

يذكر أنه ترددت أخبار مؤخرا عن وقوع خلافات بين أحمد السعدني وزينة وصلت إلى حد المشادات الكلامية، ما جعل السعدني يفكر في ترك العمل الفني ويعتذر عن الاستمرار فيه، وهو ما نوه عنه في منشور سابق عبر حسابه على فيسبوك أيضا.

 

مسلسل "كله بالحب" بطولة زينة، وأحمد السعدني، وصابرين وهالة فاخر ومصطفى درويش ومحسن منصور وريم البارودي، وسامر المصري، ومن تأليف ورشة أحمد الشخيبي، وإخراج عصام عبدالحميد.