كتب – نعيم يوسف
دعا الرئيس عبد الفتاح السيسي، إلى ركوب الدراجات بدلا من السيارات خلال الذهاب إلى العمل، والعودة منه، وذلك بالنسبة للسيدات والرجال، وقال السيسي: "أيوة مش هنتتبني بلدنا غير بكدة"، وذلك خلال افتتاحه لماراثون الدراجات، صباح اليوم، الجمعة، بمشاركة العديد من الإعلاميين والفنانيين، وطلبة الجامعات، وطلبة الكليات العسكرية وكليات الشرطة.

وقال السيسي: "يعني أنا لو اتمشيت إن كنت أقدر أو لقيت وسيلة زي دي يبقى أنا في اليوم اللي هعمل فيه كده هدي مصر 16 جنيه.. أيوة"، موضحا، أن "الهدف مش فكرة إننا نعمل نشاط ورياضة بس فيه رمز للموضوع وللوحدة وحدتنا كلنا كشعب.. وعاملين النشاط عشان كده والفكرة بتاعته مبينة إن عندنا كتير يجمعنا".

وتابع: "إحنا المصريين نتجمع على قلب رجل واحد ولا نختلف أبدًا والمجتمع كله يبقى معانا معانا النهارده من كل أطياف المجتمع من الإعلام والفنانين، وكان الهدف بنشاور وبنؤكد ما يجمعنا وماعندناش مشكلة نختلف عليها وكلنا بنحب بلدنا".

وأضاف: أن "النقطة التانية إن لما كنت اتكلمت عن القوة الذاتية للمصريين يقولك يعني القوة الذاتية هتعمل إيه؟"، مضيفًا، "عاملين حسابنا 20 – 30 كيلو وتقريبا ده معظم المسافات عشان نروح الجامعة أو شغلنا، وأنا هقولك باختصار الساعة ونص أو الساعة بالوسيلة دي (الدراجة) تودي حضرتك الجامعة أو الشغل".

وقال السيسي: "لو حضرتك راكب عربية هتدفع تقريبا 4 جنيه في الـ20 -25 كيلو ومصر هتدفع 8 جنيه في الـ20 كيلو دول.. ياه يعني أنا لو اتمشيت إن كنت أقدر أو لقيت وسيلة زي دي يبقى أنا في اليوم اللي هعمل فيه كده هدي مصر 16 جنيه.. أيوه.. طيب لما يكون فيه 3000 آلاف بيعملوا كده يبقى اليوم فيه كام أنا قلت على مشوار واحد".